سكن مجاني في اسطنبول

ما نطلب أي مبالغ مادية مقابل السكن، لكن احنه نؤمن انو كل شخص عنده شي ممكن يشاركه مع الآخرين (مهارة، معرفة، قصة، خدمة … الخ) لذلك كل شخص راح ينزل بأحد شققنا راح نطلب من عنده ان يقدم شي للمجتمع، المهم انو يشارك شي ويفيد بي أحد حتى لو كان شخص واحد فقط.

الخدمة المقدمة هي سكن في شقق بنات وشقق ولد منفصلة ومؤثثة، بالاضافة الى فرصة التعرف على عائلتنا باسطنبول.

الايام المتوفرة لحجز الشقة هي اسبوعين كحد اقصى. واذا احتاجيت ان تمدد بقاءك، فتكدر تقدم طلب مرة ثانية بعد انتهاء المدة وبعدها نقيم طلبك ونردلك القرار حسب الامكان.

• احنة نوفر السكن وانت مسؤول على الباقي، مثل الاكل والشرب والمواصلات وغيرها من المتطلبات.
• مسؤوليات الاعتناء بمكان السكن من التنظيف والترتيب (لانه احنة ماعدنا كادر تنظيفي فاستمرارية هذه الفرصة تعتمد على مشاركتك بادامة المكان).

يسعدنا ان نساعدكم بالبحث واختيار احسن طرق توصلكم للاماكن الي عاجبكم تزوروها.

بيئتنا تحتوي على هواي اشخاص مختلفين، ونشجع على التنوع ونرحب بي ونسعى ان نوفر بيئة خالية من الأحكام.

نعم، تحتاج اطلع فيزا لتركيا حتى تكدر تسافر الها. نعتذر عن الاجابة عن الاسئلة الي تخص الفيزا لانه خارج اطار معرفتنا. ننصح بالتواصل مع الجهات الرسمية للتقديم على الفيزا مثل شركة Gateway

تكدرون تقدمون عن طريق ضغط زر “قدم الان” في اسفل الصفحة.

هذا البرنامج يرحب بكل الاشخاص شرط ان يكونون لطيفين بتعاملاتهم ويقدرون المساعدة ويحبون ان يقدموها كذلك.

تواصل ويانا عبر التلكرام ونرد على سؤالك.

ملاحظة: نعتذر لعدم قدرتنا على الإجابة حول اي سؤال يتعلق بالفيزا لان ماعدنا تتبع للإجراءات المتجددة بخصوص الفيزا